'ఉగ్రవాదంపై తీరు మార్చుకోని పాకిస్థాన్'

పుల్వామా ఉగ్రదాడిలో జైషే మహ్మద్ పాత్రపై పాక్ మరిన్ని ఆధారాలు కోరటంపై ఆగ్రహం వ్యక్తంచేసింది భారత్. సరిహద్దు ఉగ్రవాదంపై కప్పిబుచ్చే ధోరణిని పాక్​ ఇంకా మానలేదని ఆరోపించింది.

ఉగ్రవాదంపై పోరులో పాకిస్థాన్ వైఖరిపై భారత్​ అసంతృప్తి వ్యక్తం చేసింది. పుల్వామా ఉగ్రదాడిలో జైషే మహ్మద్​ పాత్రపై మరిన్ని ఆధారాలు కోరటాన్ని తప్పుబట్టింది. సరిహద్దు ఉగ్రవాదంపై కప్పిబుచ్చుకోవటాన్ని పాక్ ఇంకా మానలేదని విమర్శించింది.

"పుల్వామా దాడి విషయంలో పాక్​ స్పందిస్తోన్న తీరుపై భారత్ అసంతృప్తితో ఉంది. పుల్వామా దాడిని ఉగ్రవాద చర్యగా ఇప్పటికీ పాక్ పరిగణించట్లేదు. ఉగ్రవాదం విషయంలో పాక్ వైఖరి మారలేదు. పఠాన్​కోట్​, ముంబయి దాడుల సమయంలో పాక్​ ఏం చెప్పిందో ఇప్పుడూ అవే మాటలు చెబుతోంది. భారత్​పై దాడులకు పాల్పడే ఉగ్రవాదులకు ఆశ్రయమివ్వమని 2004లో చెప్పింది. ఇచ్చిన మాటకు ఆ దేశం కట్టుబడి ఉండాలి. తక్షణమే ఉగ్రవాదంపై కఠిన చర్యలు తీసుకోవాల్సిందే."
- రవీశ్ కుమార్, భారత విదేశాంగ శాఖ అధికార ప్రతినిధి

• ఇదీ చూడండి:మసూద్​పై 'పీ3' గురి- అడ్డుకునే పనిలో చైనా