హిమాచల్ప్రదేశ్ నహన్లోని ప్రభుత్వ పాఠశాల ప్రారంభించిన విద్యా రేడియో స్టేషన్ 'హలో మోగీనంద్' అనతికాలంలోనే ప్రత్యేక గుర్తింపు తెచ్చుకుంది. కేవలం 7 నెలల్లో 7 వేల మంది శ్రోతలను సంపాదించుకుంది.
విద్యార్థులకు అవసరమయ్యే కార్యక్రమాలు మాత్రమే ప్రసారం చేస్తుంది ఈ రేడియో స్టేషన్. ఇలాంటివి దేశంలో మరో 5 మాత్రమే ఉన్నాయి. క్యాంపస్ రేడియోగా ప్రారంభమైన 'హలో మోగీనంద్'.. మనదేశంలోనే కాక విదేశాల్లోనూ మారుమోగుతోంది.
పెరుగుతున్న శ్రోతల సంఖ్యను చూసి పాఠశాల నిర్వాహకుల ఉత్సాహం రెట్టింపైంది. సెప్టెంబర్ 12 తరువాత మరో 5 కొత్త విద్యా సంబంధిత కార్యక్రమాలు ప్రసారం చేసేందుకు సిద్ధమవుతున్నారు.
"ఈ రేడియో స్టేషన్‌ను ప్రారంభించడం వెనుక ఓ ప్రత్యేక కారణం ఉంది. పాఠశాలకు హాజరుకాలేని పిల్లలు ఈ రేడియో ద్వారా పాఠాలు వినవచ్చు. రేడియో కొత్త షెడ్యూల్ ప్రకారం విద్యా సంగీతం, ఇంటర్వ్యూ వంటి కార్యక్రమాలు జోడిస్తాం. 'బులందీ' పేరిట ఒక ప్రత్యేక కార్యక్రమం ప్రారంభించి చుట్టుపక్కల ప్రాంతాల్లో వినూత్న కార్యక్రమాలు చేసిన వారిని ఇంటర్వ్యూ చేయాలనుకుంటున్నాం."
-సంజీవ్ అథ్రి, రేడియో స్టేషన్ డైరెక్టర్
ఇదీ చూడండి:12వేల టెంకాయలతో నారికేళ గణనాథుడు!
