మద్యానికి బానిసైన ఓ భర్త, అతడి భార్య మధ్య తలెత్తిన వివాదం.. విషాదంగా ముగిసింది. ఛత్తీస్గఢ్లోని భిలాయ్ కంటోన్మెంట్ ప్రాంతంలో రూ.50 ఇవ్వలేదని భార్యపై ఆగ్రహించిన భర్త.. ఆమెను ఇనుప రాడ్తో కొట్టి చంపాడు. అనంతరం తానూ చెయ్యి కోసుకుని ఆత్మహత్యకు యత్నించాడు.
ఇదీ జరిగింది..
రాజ్కుమార్ పటేల్(40), అనితా పటేల్(35) సుపేలా పోలీస్ స్టేషన్ పరిధిలోని భిలాయ్లో ఓ కిరాయి ఇంట్లో నివాసముంటున్నారు. ఇద్దరూ నిర్మాణ పనుల్లో కూలీలుగా పనిచేస్తూ జీవనం సాగిస్తున్నారు. అయితే.. రాజ్కుమార్ కొద్దిరోజులుగా కూలీకి వెళ్లడం మానేసి.. మద్యానికి బానిసయ్యాడు. కొద్దిరోజులుగా మతిస్తిమితం సరిగా లేని అతడు.. రూ. 50 కోసం భార్యతో వాగ్వాదానికి దిగాడు. డబ్బులు ఇచ్చేందుకు ఆమె నిరాకరించగా.. ఇనుప రాడ్తో తలపై బలంగా కొట్టాడు. తీవ్ర గాయాలైన ఆమె.. అక్కడిక్కడే మృతిచెందినట్టు స్థానికులు తెలిపారు.
అనంతరం తానూ.. చెయ్యి కోసుకుని బలవన్మరణానికి పాల్పడ్డాడు రాజ్కుమార్. ఇంతలో పోలీసులు సంఘటనా స్థలానికి చేరుకుని నిందితుణ్ని స్థానిక ఆసుపత్రికి తరలించారు. ప్రస్తుతం అతడు కోలుకుంటున్నాడు.
ఈ పూర్తి వ్యవహారంపై భిలాయ్ కంటోన్మెంట్ పోలీసులు కేసు నమోదు చేసుకుని దర్యాప్తు చేపట్టారు.
ఇదీ చదవండి: టీకా పంపిణీ.. ఎప్పుడు, ఎక్కడ, ఎలా?
