కోల్కతాలో నిషేధిత మత్తు పదార్థాలు సరఫరాదారుల గుట్టు రట్టు చేశారు పోలీసులు. పైక్పారా ప్రాంతంలోని ఓ ఇంట్లో 25కిలోల హెరాయిన్ పట్టుకున్నారు. ఇద్దరు నిందితులను అదుపులోకి తీసుకున్నట్లు ఓ సీనియర్ అధికారి తెలిపారు. హెరాయిన్ మార్కెట్ విలువ రూ.100కోట్లు ఉంటుందని వెల్లడించారు.
"మేము 25.255కిలోల హెరాయిన్ స్వాధీనం చేసుకున్నాం. నిందితులపై ఎన్డీపీఎస్ చట్టం కింద కేసు నమోదు చేసి దర్యాప్తు చేస్తున్నాం. బంగాల్లోనే కాక ఈశాన్య రాష్ట్రాల్లో అతిపెద్ద మొత్తంలో హెరాయిన్ పట్టుబడ్డ ఘటనల్లో ఇది ఒకటి ."
-పోలీసు అధికారి.
ఇద్దరు నిందితుల్లో ఒకరు ఉత్తర్ప్రదేశ్కు చెందిన మాదక ద్రవ్యాల సరఫరదారుడు కాగా మరొకరు మణిపుర్ వాసి అని తెలిపారు పోలీసులు.
ఇదీ చూడండి : 'జేఎన్యూ వీసీ తొలగింపు డిమాండ్ అహేతుకం'
