బెంగళూరులోని ఓ ఇంట్లో సెక్యూరిటీ గార్డ్గా పనిచేస్తున్న నేపాల్కు చెందిన వ్యక్తి ఆ ఇంట్లోనే చోరీకి పాల్పడ్డాడు. నగరంలోని చామరాజపేట్లో గతేడాది డిసెంబరు 25న ఈ ఘటన జరిగింది. రూ.50 లక్షలు విలువ చేసే నగలతో నిందితుడు నేపాల్కు పరారయ్యాడు. నేపాల్ పోలీసుల సాయంతో అతడ్ని బెంగళూరు పోలీసులు పట్టుకున్నారు. అయితే ఈ దొంగ ఒకప్పుడు పోలీస్.
అసలు కథ ఏమిటంటే..
నిందితుడు థాపా సూర్య బహద్దూర్ నేపాల్లో పోలీస్గా విధులు నిర్వహించేవాడు. దుష్ప్రవర్తన కారణంగా అతని ఉద్యోగం ఊడింది. బతుకుతెరువు కోసం 9నెలల క్రితం బెంగళూరుకు చేరిన నిందితుడు చామారాజపేట్లోని సెల్వరాజ్ అనే వ్యక్తి ఇంట్లో సెక్యూరిటీ గార్డ్గా చేరాడు.
ఓ రోజు సెల్వరాజ్ ఇంటికి రూ.50లక్షలు విలువ చేసే నగలు తెచ్చాడు. ఇది గమనించిన సూర్య.. వాటితో నేపాల్కు పరారయ్యాడు. ఎట్టకేలకు నేపాల్ పోలీసుల సాయంతో నిందితుడిని బెంగళూరు పోలీసులు అరెస్టు చేశారు.
ఇదీ చదవండి : 'బలగాల రహస్యాన్ని బహిర్గతం చేయడం దేశద్రోహమే'
