మేము ఒకటి ఉచితంగా ఇస్తాం... మేమైతే రెండు ఉచితంగా ఇస్తాం... మేము అన్నీ ఉచితంగా ఇస్తాం... ఇది ఎన్నికల ముందు వివిధ పార్టీల హామీల తీరు.. ఎన్నికల అనంతరం తూతూమంత్రంగా కొన్నింటిని నెరవేర్చి చాలా వాటిని మర్చిపోతారు. ఈ విధంగా చేసే పార్టీలను ఎన్నికల్లో పాల్గొనకుండా నిషేధించాలని భారతీ కిసాన్ యూనియన్ ఎన్నికల సంఘానికి వినతి పత్రం అందించింది.
"దాదాపు అన్ని పార్టీలు ఎన్నికల మేనిఫెస్టోలో ఇచ్చిన హామీలను నెరవేర్చట్లేదు. రుణమాఫీ, యువతకు ఉద్యోగాలు, ల్యాప్టాప్ల పంపిణీ లాంటి హామీలను ఇచ్చినప్పటికీ ఎన్నికల అనంతరం ప్రజలను మోసం చేస్తున్నాయి. అలాంటి పార్టీలపై చర్యలు తీసుకోవాలని కోరుతూ ఎన్నికల సంఘానికి వినతి పత్రం అందించాం."-హర్మీత్ సింగ్, భారతీ కిసాన్ యూనియన్ అధ్యక్షుడు.
"హామీలు తీర్చకుంటే వేటేయాలి"
పలు పార్టీలు అసలు అమలుకు సాధ్యమే కాని మేనిఫెస్టోను తయారు చేస్తాయి. ఆర్థిక, రాజకీయ పరిస్థితిని పట్టించుకోకుండా తయారు చేయటమే దీనికి కారణం. ఈ పరిస్థితిపై కూడా భారతీయ కిసాన్ యూనియన్ విచారం వ్యక్తం చేసింది.
"మేము అన్ని పార్టీలతో భేటీ అవుతాం. మేనిఫెస్టోలను చట్టానికి లోబడి ఉండే విధంగా చూసుకోవాలని కోరుతాం. క్రితం ఎన్నికల ముందు చేసిన హామీలను గుర్తుచేస్తాం. అప్పటి హామీలను నెరవేర్చనప్పుడు కొత్త హామీలను ఎలా ఇస్తారని ప్రశ్నిస్తాం." -హర్మీత్ సింగ్,భారతీ కిసాన్ యూనియన్ అధ్యక్షుడు.
"హామీలు తీర్చకుంటే వేటేయాలి"
