మోదీ రోడ్​ షోపై ఎన్నికల సంఘం విచారణ

గుజరాత్​ అహ్మదాబాద్​లో మంగళవారం ఓటు వేసిన అనంతరం ప్రధానమంత్రి రోడ్​ షో నిర్వహించడాన్ని కాంగ్రెస్​ పార్టీ తప్పుపట్టింది. ఎన్నికల నియమావళిని మోదీ ఉల్లంఘించారని ఈసీకి ఫిర్యాదు చేసింది. ఈ విషయంపై స్పందించిన గుజరాత్ ముఖ్య ఎన్నికల అధికారి విచారణకు ఆదేశించారు.

ప్రధానమంత్రి నరేంద్రమోదీ ఎన్నికల నియమావళిని ఉల్లంఘించారన్న కాంగ్రెస్ ఆరోపణలపై గుజరాత్ ఎన్నికల సంఘం స్పందించింది. ఘటనపై విచారించాల్సిందిగా అహ్మదాబాద్ జిల్లా ఎన్నికల అధికారికి ఆదేశాలు జారీ చేసింది. అహ్మదాబాద్​లో ఓటు హక్కును వినియోగించుకునేందుకు ఓపెన్​ టాప్​ జీప్​లో వచ్చారు మోదీ. ఆయన వాహనానికి ప్రజలు ఇరువైపులా నిల్చున్నారు. ఓటు వేసిన అనంతరం కొద్ది దూరం నడిచి మీడియాతో మాట్లాడారు.

ఈ విషయమై ఈసీని ఆశ్రయించింది కాంగ్రెస్. నిర్లక్ష్యంగా వ్యవహరించినందుకు రెండు నుంచి మూడు రోజుల పాటు ప్రచారానికి దూరంగా ఉంచాలని కోరింది. భాజపా అధ్యక్షుడు అమిత్​షా ఎన్నికల ఉల్లంఘనల్ని సైతం కాంగ్రెస్ ఎత్తిచూపింది. ఆయనను 72 గంటలపాటు ప్రచారం చేయకుండా చర్యలు తీసుకోవాలని కోరింది.

ఇదీ చూడండి: 'ఇద్దరు నేతల రాజకీయ వైరమే పేలుళ్లకు చోటిచ్చింది!'