17వ లోక్సభ తొలి పార్లమెంట్ సమావేశాలను పొడిగించేందుకు ప్రభుత్వం కసరత్తు చేస్తున్నట్టు సమాచారం. జూన్ 17న ప్రారంభమైన సమావేశాలు షెడ్యూల్ ప్రకారం ఈ నెల 26తో ముగుస్తాయి. అయితే మరో రెండు, మూడు రోజుల పాటు పొడిగించేందుకు భాజపా నేతలు యోచిస్తున్నారు.
"పార్లమెంట్ సమావేశాలను 2-3 రోజులపాటు పొడిగించాలని ప్రభుత్వం ఆలోచిస్తోంది. ఈ విషయమై విపక్ష నేతలతో భాజపా సంప్రదింపులు జరుపుతోంది."
- ప్రభుత్వ అధికారి.
అవసరమైతే పార్లమెంట్ సమావేశాలను పొడిగించవచ్చని మంగళవారం జరిగిన భాజపా పార్లమెంటరీ పార్టీ భేటీలో ప్రధాని నరేంద్ర మోదీ సూచించినట్టు సమాచారం.
ఇదీ చూడండి:- వరద బీభత్సంతో రాష్ట్రాలు అతలాకుతలం
