తమిళనాడు రాజధాని చెన్నైలో దారుణం జరిగింది. రహదారిపై అక్రమంగా పెట్టిన ఫ్లెక్సీ తెగిపోయి మీద పడటం వల్ల 23 ఏళ్ల యువతి మరణించింది. పల్లవరం-తొరైపాకం రహదారిలో బైక్పై ఇంటికి వెళుతుండగా ఈ ఘటన జరిగింది.
పరీక్ష రాసి వెళుతుండగా..
ఓ పరీక్షకు హాజరైన శుభశ్రీ.. స్కూటీపై ఇంటికి బయలుదేరింది. ఆ సమయంలో అదే రహదారిలో ఉన్న అన్నాడీఎంకే కార్యకర్త కుటుంబ కార్యక్రమానికి సంబంధించిన ఫ్లెక్సీ ఆమెపై పడింది. ఆ యువతి అదుపుతప్పి కిందపడిపోయింది. పక్కనుంచి వెళుతున్న ఓ వాటర్ ట్యాంకర్ శుభశ్రీ పైనుంచి దూసుకెళ్లింది. ఆమె అక్కడికక్కడే ప్రాణాలు విడిచింది.
కుటుంబ సభ్యులు చెబుతున్న ప్రకారం.. శుభశ్రీ ఐఈఎల్టీఎస్ పరీక్షకు హాజరై వస్తోంది. పై చదువులకోసం కెనడా వెళ్లాలన్నది ఆమె కోరిక.
నిషేధం ఉన్నా..
ఫ్లెక్సీలపై రెండేళ్ల క్రితమే మద్రాస్ హైకోర్టు నిషేధం విధించింది. అధికార పార్టీకి చెందినవారే కోర్టు ధిక్కారానికి పాల్పడటంపై పలువురు ఆగ్రహం వ్యక్తం చేస్తున్నారు.
ఇదీ చూడండి: గణేశ్ నిమజ్జనంలో అపశ్రుతి.. 11 మంది మృతి
