దిల్లీ లోక్సభ ఎన్నికలు రసవత్తరంగా మారాయి. ప్రధాన పార్టీలు క్రీడాకారుల్ని బరిలోకి దింపాయి. ఒలింపిక్ విజేత విజేందర్ సింగ్ను కాంగ్రెస్, మాజీ క్రికెటర్ గౌతం గంభీర్ను భాజపా సార్వత్రిక ఎన్నికల బరిలో నిలిపాయి.
తూర్పు దిల్లీ తరఫున భాజపా అభ్యర్థిగా పోటీ చేస్తున్న గంభీర్ మంగళవారం నామపత్రం దాఖలు చేశారు. తన ఎన్నికల అఫిడవిట్లో ఆస్తులు రూ. 141 కోట్లుగా ప్రకటించారు. దిల్లీలోని మొత్తం 7 స్థానాల అభ్యర్థులందరిలో గంభీర్ అత్యంత సంపన్నులుగా నిలిచారు.
కాంగ్రెస్ అభ్యర్థి ఒలింపిక్ పతక విజేత.. విజేందర్ సింగ్ ఆస్తులు.. రూ. 8. 62 కోట్లు. దిల్లీ భాజపా అధ్యక్షుడు మనోజ్ తివారీ ఆస్తులు రూ. 24 కోట్లుగా ప్రమాణ పత్రంలో పేర్కొన్నారు. 2014తో పోలిస్తే ఈయన ఆస్తులు.. రూ. 4.33 కోట్లు పెరిగాయి.
దక్షిణ దిల్లీ భాజపా అభ్యర్థి రమేశ్ బిధురి రూ. 18 కోట్లు, ఆమ్ ఆద్మీ అభ్యర్థి రాఘవ్ చద్ధా చరాస్తులు రూ. 1.37 కోట్లు, స్థిరాస్తులు రూ. 11.80 కోట్లుగా ఎన్నికల అఫిడవిట్లో సమర్పించారు.
| అభ్యర్థి | ఆస్తులు | స్థానం |
| గంభీర్(భాజపా) | 141 కోట్లు | తూర్పు దిల్లీ |
| రమేశ్ బిధురి(భాజపా) | 18 కోట్లు | దక్షిణ దిల్లీ |
| రాఘవ్ చద్ధా(ఆప్) | 13. 17 కోట్లు | దక్షిణ దిల్లీ |
| విజేందర్ సింగ్(కాంగ్రెస్) | 8.62 కోట్లు | దక్షిణ దిల్లీ |
| మనోజ్ తివారీ(భాజపా) | 24 కోట్లు | ఈశాన్య దిల్లీ |
| షీలా దీక్షిత్(కాంగ్రెస్) | 4.92 కోట్లు | ఈశాన్య దిల్లీ |
ఇదీ చూడండి: భోపాల్ స్థానానికి భాజపా మరో నామపత్రం
