గల్వాన్ లోయ ఘర్షణలో అమరులైన 20మంది భారత జవాన్లకు సంఘీభావం తెలుపుతూ.. ఫ్రాన్స్ రక్షణమంత్రి ఫ్లోరెన్స్ పార్లె... భారత రక్షణమంత్రి రాజ్నాథ్ సింగ్కు లేఖ రాశారు. ఇలాంటి గడ్డు పరిస్థితుల్లో ఫ్రాన్స్ దళాల స్నేహపూర్వక సహకారం భారత్కు ఎప్పడూ ఉంటుందని పేర్కొన్నారు. ఇరు దేశాల మధ్య ద్వైపాక్షిక వ్యూహాత్మక సహకారాన్ని బలోపేతం చేసే విధంగా భారత్లో పర్యటించడానికి సిద్ధంగా ఉన్నట్టు లేఖలో స్పష్టం చేశారు పార్లె.
"సైనికులు, వారి కుటుంబాలు, భారత దేశానికి ఇది అతి పెద్ద దెబ్బ. అమర వీరుల మరణం పట్ల భారత్కు ఫ్రాన్స్ సంఘీభావం తెలుపుతోంది. ఇలాంటి పరిస్థితుల్లో.. ఫ్రాన్స్ సాయుధ దళాలతో పాటు నా స్నేహపూర్వక, దృఢమైన సహకారం భారత్కు ఎప్పుడూ ఉంటుంది."
--- ఫ్రాన్స్ రక్షణమంత్రి ఫ్లోరెన్స్ పార్లె లేఖ.
గత కొన్నేళ్లలో ఫ్రాన్స్- భారత్ మధ్య సంబంధాలు మరింత బలపడ్డాయి. ఈ క్రమంలోనే.. ఒప్పందంలో భాగంగా వచ్చే నెల 27 నాటికి అత్యాధునిక రఫేల్ యుద్ధ విమానాలను భారత్కు అందించనుంది ఫ్రాన్స్.
చైనాతో సరిహద్దు వివాదం రోజురోజుకు ముదురుతున్న తరుణంలో భారత్కు ఫ్రాన్స్ అండగా నిలవడం దేశానికి సానుకూల అంశం.
ఇదీ చూడండి:- కరోనాపై భారత్ పోరుకు ఫ్రాన్స్ భారీ రుణసాయం
