గుజరాత్ జామ్‌నగర్లో ఏటా పవన్ పండుగ ఘనంగా జరుగుతుంది. భక్తులంతా శివ సేవలో నిమగ్నమవుతారు. ఈ పర్వదినాన దేశవ్యాప్తంగా ప్రజలు శివనామాలు జపిస్తారు.
ఈ సారి సౌరాష్ట్రలోని చిన్న కాశీగా పేరొందిన విశ్వేశ్వరాలయంలో ఓ విదేశీ శివ భక్తురాలు సందడి చేస్తోంది. మహాదేవున్ని భక్తితో కొలుస్తూ ఆనందాన్ని ఆస్వాదిస్తోంది.
రొమేనియా దేశానికి చెందిన ఫ్రాన్సెస్కా ఫిలిప్ ఐదేళ్ల క్రితం జామ్‌నగర్ ఆయుర్వేద విశ్వవిద్యాలయంలో చదువుకునేందుకు వచ్చింది. ఆ వైద్యేశ్వరుడికి భక్తురాలయిపోయింది. శివుడంటే మహా ఇష్టం. హిందూ తత్వాలన్నా అంతే. అందుకే హిందీ నేర్చుకుని మరీ, మహా మృత్యుంజయ మంత్రం పొల్లుపోకుండా స్మరించేస్తోంది. దేవుడి పట్ల భక్తికి వర్ణం, భాష తేడాలు లేవని చాటిచెప్తోంది.
ఏటా ఆయుర్వేద విశ్వవిద్యాలయానికి పెద్ద సంఖ్యలో విదేశీ విద్యార్థులు వస్తుంటారు.. వెళ్తూంటారు. ఫ్రాన్సెస్కా మాత్రం వారికి భిన్నంగా ఇలా ఐదేళ్లుగా ఆధ్యాత్మిక సేవలో తరిస్తోంది.
"నేనిక్కడ ఐదేళ్లుగా ఉంటున్నాను. శివుడే నా దేవుడు. నా వరకు హిందూ మతం చాలా గొప్పది. కాశీ విశ్వనాథుని దర్శనానికి, హారతి సమయానికి వస్తాను. ప్రతి హిందువులాగే నాకూ శివుణ్ని పూజించడం తెలుసు." -ఫ్రాన్సెస్కా ఫిలిప్
ఇదీ చూడండి:'లాల్ బాగ్చా రాజా' అదిరిపోయే ఫస్ట్లుక్
