భారత పౌరులకు విశిష్ట గుర్తింపును ఆధార్ కార్డ్ ఇస్తోంది. ఆధార్తో మరో ఉపయోగం చెబితే ఆశ్చర్యపోతారు. 8 నెలల క్రితం తప్పిపోయిన 8 ఏళ్ల బాలుణ్ని తిరిగి వాళ్ల తల్లిదండ్రుల వద్దకు చేర్చింది. ఈ ఘటన ఝార్ఖండ్లో జరిగింది.
ఏం జరిగింది
2018 సెప్టెంబర్ 18.. ఉత్తరప్రదేశ్ సోన్భద్రలో రైలులో తప్పిపోయిన ఉమన్.. ఝార్ఖండ్లోని బర్కాకానా రైల్వేస్టేషన్కు చేరుకున్నాడు. అతని పరిస్థితి చూసిన రైల్వే పోలీసులు.. వివరాలు అడడగా ఉమన్ చెప్పలేకపోయాడు. అతడ్ని బాలల సంరక్షణ కేంద్రంలో అప్పగించారు.
బాలుణ్ని పాఠశాలలో చేర్పించేందుకు సంరక్షణ కేంద్రం అధికారులు వెళ్లగా కథ మరో మలుపు తిరిగింది. పాఠశాలలో చేర్చుకునేందుకు ఆధార్ కార్డు అవసరమైంది.
"బాలుడి కోసం చేసిన ఆధార్ కార్డు దరఖాస్తును తిరస్కరించింది వెబ్సైట్. అతడికి ముందే ఆధార్ ఉన్నట్టు తెలిపింది. వేలిముద్రల ఆధారంగా పాత ఆధార్ సంఖ్య గుర్తించి అతడి తండ్రి రాజేశ్వర్ చరవాణి నంబరు కనుక్కున్నాం. 8 నెలల తర్వాత ఆ బాలుడు ఇంటికి వెళుతున్నాడు. ఇదంతా ఆధార్ కార్డు ఉండటం వల్లే సాధ్యమైంది."
-రాజేశ్వరి, రామ్గఢ్ కలెక్టర్
కుమారుడు దొరికాడన్న సమాచారం వినగానే సంతోషంగా ఝార్ఖండ్ చేరుకున్నారు బాలుడి తండ్రి రాజేశ్వర్. ఎనిమిది నెలల తర్వాత ఉమన్ను చూసి ఆనందంతో మురిసిపోయాడు.
ఇదీ చూడండి: చైన్ కోసం ఎంతకు తెగించారో చూడండి...
