మధ్యప్రదేశ్ మాజీ ముఖ్యమంత్రి, భాజపా సీనియర్ నేత బాబూలాల్ గౌర్ బుధవారం ఉదయం గుండెపొటుతో మరణించారు. ఆయన మృతిపట్ల ప్రధానమంత్రి నరేంద్ర మోదీ, మధ్యప్రదేశ్ ముఖ్యమంత్రి కమల్నాథ్ సహా పలువురు నేతలు సంతాపం వ్యక్తం చేశారు. బాబూలాల్ సేవలు కొనియాడారు.
కొద్ది కాలంగా వృద్ధాప్య, అనారోగ్య సమస్యలతో బాధపడుతున్న 89ఏళ్ల బాబూలాల్ భోపాల్లోని ఓ ప్రైవేటు ఆసుపత్రిలో చికిత్స పొందాతున్నారు. ఇవాళ ఉదయం ఒక్కసారిగా గుండెపోటు రావడం వల్ల ఆయన కన్నుమూశారని వైద్యులు తెలిపారు.
మధ్యప్రదేశ్ ముఖ్యమంత్రిగా...
బాబూలాల్ 1930 జూన్ 2న ఉత్తరప్రదేశ్లోని ప్రతాప్గఢ్లో జన్మించారు. మొదటగా ట్రేడ్ యూనియన్ నాయకుడుగా ఎదిగారు. తర్వాతి కాలంలో మధ్యప్రదేశ్లోని గోవింద్పుర విధానసభ స్థానం నుంచి ఏకంగా పదిసార్లు ఎన్నికయ్యారు. 2004-2005 మధ్య మధ్యప్రదేశ్ ముఖ్యమంత్రిగానూ ఆయన సేవలందించారు.
ఇదీ చూడండి: మహాత్ముని కళాఖండాలన్నీ ఒక చోట చేర్చితే!
