పాము జాతుల్లో ఎగిరే సర్పాలు చాలా అరుదుగా కనిపిస్తుంటాయి. అలా ఎగిరే పాము కర్ణాటక- మైసూర్లోని ఓ ఇంట్లో దర్శనమిచ్చింది. దట్టమైన అడవుల్లో చాలా అరుదుగా కనిపించే ఈ పాము.. ఓ వ్యక్తి నివాసంలో ప్రత్యక్షమవడం ఆశ్చర్యానికి గురిచేస్తోంది. సుమారు నాలుగు అడుగుల పొడవున్న ఈ సర్పంపై.. భయం కల్పించే రీతిలో నలుపు, పసుపు రంగు చారలున్నాయి.
తన ఇంట్లో పామును చూసి భయపడిన వెంకటరాము.. తక్షణమే అటవీశాఖ అధికారులకు సమాచారం అందించాడు. సర్పాన్ని పట్టుకునేందుకు ప్రయత్నించగా.. అది దొరకకుండా గాల్లోకి ఎగిరి పారిపోయినట్లు అధికారులు తెలిపారు.
'భయం అక్కర్లేదు'
అయితే పాము గురించి భయపడాల్సిన పనిలేదని అటవీ శాఖ సిబ్బంది స్పష్టం చేశారు. అది విషరహితపాముగా తెలిపారు. ఇలాంటి సర్పాలు నేలమీద పాకకుండా అడవుల్లో నివసిస్తూ.. ఓ చెట్టు మీద నుంచి మరో చెట్టు మీదకు ఎగురుతుంటాయని చెప్పారు.
ఇదీ చదవండి: మొన్న ఏనుగు.. నేడు ఆవు.. అసలేమైంది?
