గణతంత్ర దినోత్సవం వేళ రైతుల ట్రాక్టర్ ర్యాలీ ఉద్రిక్తతలకు దారితీసింది. సింఘూ, టిక్రీ, ఘాజీపుర్ సరిహద్దుల నుంచి బయల్దేరిన కాసేపటికి పలు చోట్ల ఆందోళనకర పరిస్థితులు నెలకొన్నాయి. నిషిద్ధ ప్రాంతాల నుంచి వెళ్లేందుకు ప్రయత్నించిన రైతులను పోలీసులు అడ్డుకున్నారు. ఈ నేపథ్యంలో.. ఇరు వర్గాల మధ్య తీవ్ర ఘర్షణ జరిగింది.
సిక్రీ సరిహద్దు వద్ద ట్రాక్టర్లతో వచ్చిన రైతులపై పోలీసులు లాఠీఛార్జి చేశారు.
ఇదే క్రమంలో పోలీసులపైకి ఓ వృద్ధ రైతు కత్తితో దూసుకెళ్లాడు.
దిల్లీలోని సంజయ్ గాంధీ ట్రాన్స్పోర్ట్ నగర్ వద్ద కూడా ఉద్రిక్తతలు తలెత్తాయి. సింఘూ సరిహద్దు నుంచి ఇక్కడికి వచ్చిన రైతులను చెదరగొట్టేందుకు పోలీసులు బాష్పవాయువు ప్రయోగించారు.
వాహనంపైకి ఎక్కి..
ఇదే ప్రాంతంలో పోలీసుల టియర్ గ్యాస్ వెహికిల్పైకి ఎక్కి నిరసనలు వ్యక్తం చేశారు రైతులు. ఒక్కసారిగా వాహనాన్ని ముందుకు తీసుకెళ్లారు పోలీసులు.
సంజయ్ నగర్ వద్ద బారికేడ్లను దాటి ముందుకెళ్లే ప్రయత్నం చేశారు రైతులు.
ఘాజిపుర్ నుంచి బయలుదేరిన రైతుల ర్యాలీని అక్షరధామ్ వద్ద పోలీసులు అడ్డుకున్నారు. రైతులను చెదరగొట్టేందుకు బాష్పవాయువు ప్రయోగించారు.
