'అటల్​ టన్నెల్​ సందర్శనకు విద్యార్థులను పంపండి'

బలగాలను త్వరగా సరిహద్దులకు చేర్చేందుకు ఎంతో వ్యూహాత్మకంగా నిర్మించిన అటల్​ టన్నెల్​ను సందర్శించేలా విద్యార్థులను ప్రొత్సహించాలని విశ్వవిద్యాలయాలకు సూచించింది యూజీసీ. దేశంలోనే ఉత్తమ సాంకేతిక పద్ధతులను ఉపయోగించి ఈ టన్నెల్​ నిర్మించారని, వాటి గురించి విద్యార్థులకు వివరించాలని కోరింది.

ప్రపంచంలోనే పొడవైన అటల్​ టన్నెల్​ను సందర్శించేలా విద్యార్థులను ప్రొత్సహించాలని విశ్వవిద్యాలయాలు, ఇంజినీరింగ్​ కళాశాలలకు సూచించింది యూనివర్శిటీ గ్రాంట్స్​ కమిషన్​(యూజీసీ). ఉత్తమ సాంకేతికతతో నిర్మితమైన, వ్యూహాత్మకంగా కీలకమైన ఈ టన్నెల్​ గురించి విద్యార్థులకు వివరించాలని పేర్కొంది. టన్నెల్​ నిర్మాణంలో సాంకేతికత గురించి వివరిస్తూ.. విశ్వవిద్యాలయ ఉపకులపతులకు ఈమేరకు లేఖ రాశారు యూజీసీ కార్యదర్శి రజనీశ్​ జైన్​.

"హిమాచల్​ ప్రదేశ్​లో కఠిన వాతావరణంలో సముద్రతలానికి 10 వేల అడుగుల ఎత్తులో 9.02 కిలోమీటర్ల టన్నెల్​ నిర్మించడం సులువైన పని కాదు. అంతేకాకుండా పర్యవేక్షణ వ్యవస్థ, ఎస్​ఓఏడీఏ అగ్నిమాపక నియంత్రణ వ్యవస్థ, పర్యవేక్షణ వ్యవస్థతో సరికొత్త సాంకేతికతను ఉపయోగించి ఉత్తమ పద్ధతిలో నిర్మించారు" అని జైన్​ పేర్కొన్నారు.

"ప్రణాళిక, రూపకల్పన, నిర్మాణాంలో దేశంలోనే ఉత్తమ సాంకేతిక పద్ధతులను ఉపయోగించి నిర్మించిన టన్నెల్. దీని​ నుంచి అద్భుతం జ్ఞానాన్ని పొందవచ్చు. ప్రాజెక్ట్​ నిర్వహణ ఇంజనీరింగ్​ కళాశాల విద్యార్థులకు విజ్ఞానాన్ని పెంపొందించే ఈ సొరంగాన్ని సందర్శించడానికి ప్రోత్సహించాలి. దేశంలోని సొరంగ మార్గాలు సందర్శించి వాటి సామర్థ్యం తెలుసుకోవడానికి ప్రయత్నించేలా తగిన శిక్షణ ఇవ్వాలి" అని జైన్​ పేర్కొన్నారు.

అయితే విద్యార్థులు.. అటల్​ టన్నెల్​ చూడటానికే వెళ్లిన సమయంలో కేంద్ర, రాష్ట ప్రభుత్వాలు జారీ చేసిన భౌతిక దూరం, మాస్కు ధరించడం వంటి కరోనా నిబంధనలు తప్పనిసరిగా పాటించాలని యూజీసీ ఆదేశించింది.

ఇదీ చూడండి: 'దేశ రక్షణ కోసం రాజీలేని కృషి'