కశ్మీర్​లో 'ఉగ్ర' ఏరివేత.. నలుగురు ముష్కరులు హతం

జమ్ముకశ్మీర్​లో ఉగ్రవాదుల ఏరివేత కొనసాగుతోంది. షోపియాన్​లోని పింజోరాలో ఇవాళ ఉదయం ఎన్​కౌంటర్​ జరిగింది. ఎదురుకాల్పుల్లో నలుగురు ముష్కరులు హతమయ్యారు.

రేబాన్​ ప్రాంతంలో భద్రతా దళాలు.. ఐదుగురు ఉగ్రవాదులను మట్టుబెట్టిన అనంతరం జమ్ముకశ్మీర్​లో మరోసారి ఎన్​కౌంటర్​ జరిగింది. నలుగురు ముష్కురులు హతమయ్యారు. వారి దగ్గర్నుంచి భారీగా ఆయుధాలు స్వాధీనం చేసుకున్నారు.

షోపియాన్​లోని పింజోరాలో ఉగ్రవాదులు నక్కిఉన్నారన్న సమాచారంతో భద్రతా బలగాలు నిర్బంధ తనిఖీలు చేపట్టాయి. ఈ క్రమంలో భద్రతా సిబ్బందిపై ఉగ్రవాదులు కాల్పులు జరపగా.. ఎన్​కౌంటర్​కు దారితీసింది.

షోపియాన్​ జిల్లాలో గత 24 గంటల్లో ఇది రెండో ఎన్​కౌంటర్​.