పెండింగ్లో ఉన్న 18 రాజ్యసభ స్థానాలకు ఎన్నికల తేదీని ఖరారు చేసింది కేంద్ర ఎన్నికల సంఘం. జూన్ 19న పోలింగ్ నిర్వహించనున్నట్లు స్పష్టం చేసింది.
ఈ నెల 19న ఉదయం 9 నుంచి సాయంత్రం 4 గంటల వరకు పోలింగ్ జరగనుందని.. అనంతరం ఓట్ల లెక్కింపు ప్రక్రియ ప్రారంభమవుతుందని వెల్లడించింది ఈసీ. దేశంలో కరోనా వ్యాప్తి నేపథ్యంలో గతంలో జరగాల్సిన ఎన్నికలు వాయిదా పడ్డాయి.
రాష్ట్రాల వారీగా సీట్లు ఇలా..
- ఏపీ, గుజరాత్‌ రాష్ట్రాల్లో 4 చొప్పున రాజ్యసభ స్థానాలకు ఎన్నికలు
- మధ్యప్రదేశ్‌, రాజస్థాన్‌ రాష్ట్రాల్లో 3 చొప్పున రాజ్యసభ స్థానాలకు ఎన్నికలు
- ఝూర్ఖండ్‌-2, మణిపూర్‌ 1, మేఘాలయ-1 రాజ్యసభ స్థానాలకు ఎన్నికలు
- రాజ్యసభ 55 ఖాళీల్లో ఇప్పటికే 37 స్థానాలు ఏకగ్రీవం, 18 సీట్లకు ఎన్నికలు
