అసోసియేట్ జర్నల్స్ లిమిటెడ్ (ఏజేఎల్) కేసులో మొదటిసారి అభియోగ పత్రం దాఖలు చేసింది ఎన్ఫోర్స్మెంట్ డైరెక్టరేట్. 1992లో జరిగిన భూకేటాయింపులకు సంబంధించి కాంగ్రెస్ సీనియర్ నేత మోతీలాల్ వోరా, హరియాణా మాజీ సీఎం భూపేందర్సింగ్ హుడా పేర్లను ఛార్జిషీటులో చేర్చింది ఈడీ.
ఛండీగఢ్ సమీపంలోని పంచకులలో ఏజేఎల్ సంస్థకు భూములను కేటాయించారు. ఈ వ్యవహారంలో అవకతవకలు జరిగాయని మనీలాండరింగ్ నియంత్రణ చట్టం కింద ఈడీ కేసు నమోదు చేసింది. ఈ కేసుకు సంబంధించి వోరా, హుడాలకు ప్రత్యక్ష పాత్ర ఉందని ఈడీ ఆరోపించింది. ఈ విషయంలో సీబీఐ కూడా ఇప్పటికే కేసు నమోదు చేసి విచారిస్తోంది.
ఇదీ కేసు
1982లో ఏజేఎల్కు హిందీ పత్రిక 'నవజీవన్' నడపడానికి పంచకులలోని స్థలాన్ని కేటాయించారు. అయితే 1992 వరకు అక్కడ ఎలాంటి నిర్మాణాలు చేపట్టలేదు. ఫలితంగా హరియాణా పట్టణాభివృద్ధి సంస్థ (హెచ్యూడీఏ) ఆ స్థలాన్ని స్వాధీనం చేసుకుంది.
హరియాణా బీజేపీ నాయకుల విజ్ఞప్తితో సీబీఐ ఎఫ్ఐఆర్ ఆధారంగా... 2016లో ఈడీ కూడా పీఎమ్ఎల్ఏ చట్టం కింద కేసు నమోదు చేసింది.
ఇదీ చూడండి: 'ఏజేఎల్' ప్లాట్ స్వాధీనానికి ఈడీ సమాయత్తం
