తమిళనాడు వేలూరులోని వాలాజపేట్కు చెందిన డీఎస్ రాజశేఖరన్ రిటైర్డ్ మెడికల్ సూపర్వైజర్. 2020 మార్చ్ 11న జరగనున్న ఆయన కూతురు డా. రాజశ్రీ వివాహానికి ప్రధాని మోదీని ఆహ్వానించాలనుకున్నారు. శుభలేఖలు అచ్చు వేయించి.. దిల్లీలోని ప్రధాని కార్యాలయానికి పంపించారు. అనూహ్యంగా ఆ ఆహ్వానానికి ప్రధాని స్పందించారు.
'పెళ్లికి ఆహ్వానించినందుకు చాలా సంతోషంగా ఉందనీ, కొత్త జంటకు నా శుభాకాంక్షలు' అని తెలుపుతూ మోదీ సంతకంతో పీఎం కార్యాలయం నుంచి లేఖ వచ్చింది. పోస్ట్లో పంపిన శుభలేఖకు మోదీ స్పందించిన తీరుతో ఆ కుటుంబసభ్యుల ఆనందానికి అవధులు లేకుండా పోయాయి.
ఇదీ చూడండి: శ్వేత నాగు ఊళ్లోకి వచ్చి బుసలు కొట్టింది!
