రాజ్​భవన్​ ఎదుట డీఎంకే భారీ ఆందోళన

తమిళనాడు గవర్నర్ భన్వరిలాల్ పురోహిత్ నివాసం ఎదుట.. ఆ రాష్ట్ర ప్రతిపక్ష పార్టీ డీఎంకే నిరసనకు దిగింది. ప్రభుత్వ పాఠశాల విద్యార్థులకు మెడికల్ విద్యలో అంతర్గత రిజర్వేషన్​ బిల్లుపై ఆమోదంలో జాప్యానికి వ్యతిరేకంగా ధర్నా చేపట్టింది. ఈ నిరసన కార్యక్రమానికి డీఎంకే అధినేత స్టాలిన్ నేతృత్వం వహించారు.

తమిళనాడు ప్రభుత్వ పాఠశాల విద్యార్థులకు వైద్య​ విద్యలో 7.5 శాతం అంతర్గత రిజర్వేషన్​కు అనుమతివ్వనందుకు రాష్ట్ర గవర్నర్​ భన్వరిలాల్‌ పురోహిత్‌ నివాసం ఎదుట నిరసన చేపట్టింది ప్రతిపక్ష డీఎంకే. ఈ ధర్నాకు ఆ పార్టీ అధినేత ఎం.కె.స్టాలిన్​ నేతృత్వం వహించారు.

నిరసనలో డీఎంకే అధినేత స్టాలిన్

అసెంబ్లీ ఏకగ్రీవ తీర్మానం కానీ..

ప్రభుత్వ పాఠశాల విద్యార్థులకు వైద్య విద్యలో 7.5 శాతం అంతర్గత రిజర్వేషన్ కల్పించే ఉద్దేశంతో ప్రవేశపెట్టిన బిల్లుకు.. తమిళనాడు శాసనసభ ఏకగ్రీవంగా ఆమోదించింది. ఆ బిల్లును ఆమోదం కోసం గవర్నర్​కు సిఫారసు చేశారు. అయితే దీనిపై 35 రోజులకుపైగా ఆయన నుంచి ఎలాంటి స్పందన లేదు. ఈ నేపథ్యంలో తమిళనాడు అధికార పార్టీ అన్నాడీఎంకేకు చెందిన ఐదుగురు సీనియర్ నేతలు గవర్నర్​ను ఇటీవల కలిసి బిల్లును ఆమోదించాల్సిందిగా కోరారు. అయినప్పటికీ భన్వరిలాల్ ఈ విషయంపై స్పందించలేదు.

ఈ పరిణామాల నేపథ్యంలో గవర్నర్​కు వ్యతిరేకంగా ఆయన నివాసం ఎదుట నిరసన చేపట్టింది డీఎంకే.

నిరసనలో పాల్గొన్న పార్టీ శ్రేణులు, కార్యకర్తలు

నిరసన కార్యక్రమానికి హాజరైన కార్యకర్తలు, ప్రజలు

ఈ నిరసనలో స్టాలిన్​తోపాటు.. పార్టీ కోశాధికారి టి.ఆర్​.బాలు, డిప్యూటీ జనరల్ సెక్రెటరీ పొన్ముడి, పార్టీ యువజన విభాగం కార్యదర్శి ఉదయనిధి స్టాలిన్, ఎంపీ కనిమొళి సహా పలువురు కీలక నేతలు పాల్గొన్నారు.

ఇదీ చూడండి:మహారాష్ట్ర మాజీ సీఎంకు కరోనా పాజిటివ్​