దేశ రాజధాని దిల్లీలో కరోనా మహమ్మారి వేగంగా విస్తరిస్తోంది. గత 6 రోజుల వ్యవధిలో కరోనా వైరస్ బారిన పడిన వారిసంఖ్య 10 వేలు దాటినట్లు గణాంకాలు వెల్లడిస్తున్నాయి. మొత్తం కేసుల సంఖ్య 40 వేలు దాటగా.. గడచిన ఆరురోజుల్లో రోజుకు సగటున 16 వందలకు పైగా కేసులు వెలుగుచూశాయి.
దిల్లీలో మొదటి 10వేల కేసులు నమోదయ్యేందుకు 79 రోజులు పడితే... 10వేల నుంచి 20 వేల కేసులకు చేరుకునేందుకు 13 రోజుల సమయం పట్టింది. 20 వేల నుంచి 30 వేలకు చేరుకునేందుకు 8 రోజులు, 30 వేల నుంచి 40 వేలకు చేరుకునేందుకు 6 రోజుల సమయం పట్టినట్లు దిల్లీ ప్రభుత్వం వెల్లడించిన గణాంకాల ప్రకారం తెలుస్తోంది. ఆదివారం ఒక్కరోజే దిల్లీలో రికార్డు స్థాయిలో 2 వేల224 కొత్త కేసులు వెలుగుచూశాయి.
