దిల్లీ అసెంబ్లీ ఎన్నికల్లో ఘోర పరాభవానికి నైతిక బాధ్యత వహిస్తూ దిల్లీ కాంగ్రెస్ అధ్యక్ష పదవికి రాజీనామా చేశారు శుభాష్ చోప్రా. రాజీనామా లేఖను అధిష్ఠానానికి పంపినట్లు చెప్పారు. తుది నిర్ణయం పార్టీ పెద్దలదే అని స్పష్టం చేశారు.
దిల్లీ శాసనసభ ఫలితాల్లో వరుసగా రెండోసారి కూడా ఖాత తెరవలేక పోయింది హస్తం పార్టీ. గతంతో పోలిస్తే ఓట్ల శాతం 9.7నుంచి 4.27కు పడిపోయింది. ఫలితంగా పార్టీ నేతల్లో కలవరం మొదలైంది.
మొత్తం 70 స్థానాలకు గాను అధికార ఆప్ 62 స్థానాలను కైవసం చేసుకుని వరుసగా మూడోసారి దిల్లీలో అధికారాన్ని చేపట్టనుంది. భాజపా గతంతో పోలిస్తే 5 సీట్లు మెరుగుపడి 8 సీట్లకే పరిమితమైంది. కాంగ్రెస్ ఖాతా తెరవలేదు.
