కాంగ్రెస్ పార్టీ అతిపెద్ద కార్యవర్గ సమావేశం సీడబ్ల్యూసీ(కాంగ్రెస్ వర్కింగ్ కమిటీ). ఫిబ్రవరి 28న జరగాల్సిన మీటింగ్ను భారత్-పాక్ మధ్య నెలకొన్న ఉద్రిక్త పరిస్థితుల కారణంగా వాయిదా వేశారు. అనంతరం ఈనెల 12న గుజరాత్లోని అహ్మదాబాద్లో నిర్వహించనున్నట్లు తెలిపారు.
నూతనంగా కాంగ్రెస్ ప్రధాన కార్యదర్శిగా బాధ్యతలు చేపట్టిన ప్రియాంకగాంధీ తన తొలి సీడబ్ల్యూసీ సమావేశానికి హాజరయ్యే అవకాశాలు పుష్కలంగా ఉన్నాయి.
లోక్సభ ఎన్నికలే లక్ష్యంగా....
వచ్చే సార్వత్రిక ఎన్నికల్లో పార్టీ బలోపేతానికి ప్రణాళికలు రచించనున్నారు. ఈ సమావేశంలో పలు కీలక నిర్ణయాలు తీసుకోనున్నారు. 2019 ఎన్నికల్లో పార్టీ వ్యూహాలు, ప్రచారానికి రోడ్మ్యాప్ ఖరారు చేసే అవకాశముంది.
ప్రస్తుత దేశ రాజకీయాలపైనా కాంగ్రెస్ వర్కింగ్ కమిటీ సమావేశంలో చర్చించనున్నారు.
58 ఏళ్ల తర్వాత...
58 ఏళ్ల అనంతరం గుజరాత్లో సీడబ్ల్యూసీ సమావేశం జరగనుంది. 1961లో చివరిసారిగా రాష్ట్రంలోని భావ్నగర్లో జరిగింది. దాదాపు 3 దశాబ్దాలుగా రాష్ట్రంలో అధికారానికి దూరంగా ఉంది కాంగ్రెస్. మహాత్మా గాంధీ 150 వ జయంతి వేడుకల సందర్భంగా సీడబ్ల్యూసీ సమావేశం ఇక్కడ నిర్వహిస్తున్నట్లు తెలిపారు.
