నూతన సంవత్సర సంబరాలపై ప్రభుత్వాలు పటిష్ఠ నిఘా ఉంచాలని రాష్ట్రాలకు కేంద్ర వైద్య శాఖ మార్గదర్శకాలు జారీ చేసింది. కరోనా వ్యాప్తి నేపథ్యంలో సూపర్ స్ప్రెడర్గా మారే అవకాశం ఉన్న కార్యక్రమాలపై కన్నేసి ఉంచాలని స్పష్టం చేసింది. ప్రజలు పెద్ద ఎత్తున గుమిగూడకుండా చూడాలని పేర్కొంది.
ఈ మేరకు ఆ శాఖ కార్యదర్శి రాజేష్ భూషణ్ రాష్ట్రాలు, కేంద్ర పాలిత ప్రాంతాలకు లేఖ రాశారు. కొత్త సంవత్సరంతో పాటు ఈ సీజన్లో జరిగే ఇతర కార్యక్రమాలపైనా ప్రభుత్వాలు పర్యవేక్షణ పెంచాలని సూచించారు.
రాష్ట్రాల్లో ఉన్న పరిస్థితులను బట్టి కరోనా నియంత్రణ కోసం స్థానికంగా ఆంక్షలు విధించుకోవచ్చని తెలిపారు భూషణ్. అయితే కేంద్ర మార్గదర్శకాలకు అనుగుణంగానే ఈ ఆంక్షలు ఉండాలని స్పష్టం చేశారు.
ఇదీ చదవండి: లెక్కలు తారుమారు- భాజపా బేజారు
