ప్రాణాలను పణంగా పెట్టి కరోనా సోకిన రోగులకు చికిత్స అందిస్తున్న వైద్యులపై కొందరు ఉన్మాదులు అమానవీయ చర్యలకు పాల్పడుతున్నారు. తమిళనాడు తిరుచురాపల్లిలోని ప్రభుత్వ ఆస్పత్రిలో ఇదే తరహా ఘటన జరిగింది. చికిత్స అందిస్తున్న వైద్యుడితో దురుసుగా ప్రవర్తించాడు ఓ కరోనా సోకిన వ్యక్తి. తను ధరించిన మాస్క్ను తొలగించి డాక్టర్పైకి విసిరాడు. ఆ తర్వాత మొహంపై ఉమ్మాడు. ఈ చర్యతో ఆస్పత్రిలోని సిబ్బంది సహా అక్కడున్న వారంతా భయభ్రాంతులకు గురయ్యారు.
ఈ ఘటనపై పోలీసులు తీవ్రంగా స్పందించారు. ఉన్మాదిపై హత్యాయత్నం కేసు నమోదు చేసినట్లు చెప్పారు.
కావాలనే...
కరోనా సోకిన వ్యక్తి తిరుచురాపల్లి ప్రభుత్వ ఆస్పత్రిలో శనివారం చేరాడు. అప్పటి నుంచి వైద్య సిబ్బందికి సహకరించడం లేదని అధికారులు తెలిపారు.
మరో వైద్యుడికి కరోనా
తమిళనాడులోని నాగపట్టణం జిల్లాలో 65ఏళ్ల వైద్యుడికి కరోనా పాజిటివ్గా నిర్ధరణ అయినట్లు అధికారులు తెలిపారు. ఆయన కాదంబడిలో ఓ ప్రైవేటు క్లినిక్ నడుపుతున్నట్లు చెప్పారు. ఆ డాక్టర్ వద్ద చికిత్స పొందిన రోగులంతా స్వచ్ఛందంగా ముందుకు వచ్చి వైద్య పరీక్షలు చేయించుకోవాలని అధికారులు కోరుతున్నారు.
ఇదీ చూడండి: కరోనా కలవరం: 'మహా'లో 134, రాజస్థాన్లో 96 కొత్త కేసులు
