కరోనా మహమ్మారి బారిన‌ప‌డుతోన్న సీఆర్పీఎఫ్ జవాన్ల సంఖ్య క్రమంగా పెరుగుతోంది. తూర్పు దిల్లీ మయూర్ విహార్-3 ప్రాంతంలోని సీఆర్పీఎఫ్ బెటాలియన్కు చెందిన జవాన్లు వ‌రుస‌గా వైరస్ బారినప‌డుతున్నారు. తాజాగా మరో 68మంది జవాన్లకు పాజిటివ్ అని తేలినట్లు అధికారులు చెప్పారు. ఇప్పటివరకు ఆ బెటాలియన్కు చెందిన 122 మందికి వైరస్ సోకడంపై ఆందోళన వ్యక్తంచేశారు.
ఇప్పటి వరకు సీఆర్పీఎఫ్లో మొత్తం 127 మందికి కరోనా సోకినట్లు ఉన్నతాధికారులు తెలిపారు. ఒకరు మరణించగా, మరొకరు కోలుకున్నట్లు వెల్లడించారు. మరో 100 మంది పరీక్షల ఫలితాలు రావాల్సి ఉందని చెప్పారు.
" బాధిత జవాన్లను దిల్లీలోని మండోలి ప్రభుత్వ ఆస్పత్రికి తరలించాం. శుక్రవారం రోజున 12 మందికి పాజిటివ్గా తేలగా.. ఓ సబ్ ఇన్స్పెక్టర్ ప్రాణాలు కోల్పోయాడు. ఒకే బెటాలియన్లో ఇంత భారీ సంఖ్యలో వైరస్ బారిన పడటం ఆందోళన కలిగిస్తోంది. సెలవుపై వెళ్లి తిరిగి వచ్చిన వారిని 14 రోజులు క్వారంటైన్కు తరలిస్తున్నాం. ఈ బెటాలియన్లో కరోనా వ్యాప్తికి నర్సింగ్ విభాగంలో పని చేసే ఓ కానిస్టేబుల్ కారణంగా వైరస్ సోకిందని భావిస్తున్నాం."
- సీఆర్పీఎఫ్ అధికారి.
ముగ్గురు ఎస్ఆర్పీఎఫ్ జవాన్లకూ కరోనా..
మహారాష్ట్ర జల్నా ప్రాంతంలో ఈరోజు ఐదుగురికి కరోనా పాజిటివ్గా తేలగా.. అందులో ముగ్గురు ఎస్ఆర్పీఎఫ్ జవాన్లు ఉన్నట్లు అధికారులు తెలిపారు. జల్నా ప్రాంతంలో మొత్తం కేసుల సంఖ్య 8కి చేరినట్లు వెల్లడించారు. ఇప్పటి వరకు ఇద్దరు కోలుకోగా.. మిగతా వారు చికిత్స పొందుతున్నట్లు చెప్పారు.
