దేశంలో కరోనా మహమ్మారి వేగంగా వ్యాప్తి చెందుతోంది. మహారాష్ట్రలో రికార్డు స్థాయిలో 7,862 కొత్త కేసులు నమోదయ్యాయి. మరో 226 మంది మృతి చెందారు. రాష్ట్రంలో మొత్తం కేసుల సంఖ్య 2,38,461కి చేరింది. ఇప్పటి వరకు 9,893 మంది వైరస్కు బలయ్యారు. 1,32,625 మంది వైరస్ బారిన పడి కోలుకున్నారు.
దేశ రాజధానిలో...
దిల్లీలో కొత్తగా 2,089 కేసులు నమోదవగా, 42 మంది వైరస్కు బలయ్యారు. మొత్తం కేసుల సంఖ్య 1,09,140కి చేరింది. మరణాల సంఖ్య 3,300కు పెరిగింది.
తమిళనాడులో భారీగా...
తమిళనాడులో ఇవాళ 3,680 కొత్త కేసులు నమోదయ్యాయి. మరో 64 మంది ప్రాణాలు కోల్పోయారు. మొత్తం కేసుల సంఖ్య 1,30,261కి, మరణాలు 1,829కి చేరాయి. ఇప్పటి వరకు 82,324 మంది వైరస్ నుంచి కోలుకోగా.. ప్రస్తుతం 46,105 మంది చికిత్స పొందుతున్నారు.
ఉత్తర్ప్రదేశ్లో..
ఉత్తర్ప్రదేశ్లో వైరస్ క్రమంగా విస్తరిస్తోంది. కొద్ది రోజులుగా వెయ్యికిపైగా కేసులు నమోదవుతున్నాయి. ఇవాళ కొత్తగా 1347 కేసులు బయటపడ్డాయి. 27 మంది ప్రాణాలు కోల్పోయారు. 660 మంది వైరస్ నుంచి కోలుకున్నారు. రాష్ట్రవ్యాప్తంగా మొత్తం కేసుల సంఖ్య 21,787కి, మరణాలు 889కి చేరాయి. ప్రస్తుతం రాష్ట్రవ్యాప్తంగా 11,204 యాక్టివ్ కేసులు ఉన్నాయి.
గుజరాత్లో..
గుజరాత్లో వైరస్ విజృంభణ కొనసాగుతోంది. నేడు 875 మందికి వైరస్ పాజిటివ్గా నిర్ధరణ అయింది. 14 మంది మరణించారు. మొత్తం కేసుల సంఖ్య 40,155కు చేరింది. మొత్తం 2,024 మంది ప్రాణాలు కోల్పోయారు.
వివిధ రాష్ట్రాల్లో కేసుల వివరాలు ఇలా..
| రాష్ట్రం | నేటి కేసులు | మరణాలు | మొత్తం కేసులు | మొత్తం మరణాలు |
| మహారాష్ట్ర | 7,862 | 226 | 2,38,461 | 9,893 |
| తమిళనాడు | 3,680 | 64 | 1,30,261 | 1,829 |
| దిల్లీ | 2,089 | 42 | 1,09,140 | 3,300 |
| బంగాల్ | 1,198 | 26 | 27,109 | 880 |
| ఉత్తర్ప్రదేశ్ | 1347 | 27 | 21,787 | 889 |
| గుజరాత్ | 875 | 14 | 40,155 | 2,024 |
| పంజాబ్ | 217 | 4 | 7357 | 187 |
| ఉత్తరాఖండ్ | 68 | 0 | 3373 | 46 |
| చండీగఢ్ | 13 | 0 | 536 | 7 |
| లద్దాఖ్ | 9 | 0 | 1064 | 1 |
| హిమాచల్ప్రదేశ్ | 2 | 0 | 1,143 | 11 |
