ఇదీ చూడండి:ఆర్థిక నేరగాళ్లకే మోదీ కాపలాదారు : సిబల్
కాంగ్రెస్ సీనియర్ నేత మల్లికార్జున ఖర్గే కర్ణాటకలోని గుల్బర్గ స్థానం నుంచి పోటీచేయనున్నారు. మహారాష్ట్ర మాజీ ముఖ్యమంత్రి అశోక్ చవాన్ నాందేడ్ నుంచి బరిలోకి దిగుతున్నారు. మధ్యప్రదేశ్ మాజీ ముఖ్యమంత్రి దిగ్విజయ సింగ్ మధ్యప్రదేశ్లోని భోపాల్ నుంచి, ఉత్తరాఖండ్ మాజీ సీఎం హరీశ్ రావత్ నైనీతాల్ నుంచి పోటీ చేస్తున్నట్లు ప్రకటించింది హస్తం పార్టీ.
ఇటీవలే కాంగ్రెస్లో చేరిన మనీష్ ఖండూడీని గఢ్వాల్ స్థానం నుంచి పోటీ చేయించనుంది. వీరు భాజపాకు చెందిన ఉత్తరాఖండ్ మాజీ ముఖ్యమంత్రి బీసీ ఖండూడీ కుమారుడు.
కేంద్ర మాజీ మంత్రులు వీరప్ప మొయిలీ, కేఎం. మునియప్ప చిక్బల్పుర్, కోలార్ స్థానాల్లో అమీతుమీ తేల్చుకోనున్నారు. రాహుల్ గాంధీకి అత్యంత సన్నిహితులైన మీనాక్షి నటరాజన్ మధ్యప్రదేశ్లోని మంద్సౌర్ నుంచి పోటీ చేస్తున్నారు. పార్టీ ప్రతినిధి రషీద్ అల్వీని యూపీలోని అమ్రోహా లోక్సభ స్థానంలో కాంగ్రెస్ అభ్యర్థిగా ప్రకటించింది.
ఏప్రిల్ 11 నుంచి జరగనున్న సాధారణ ఎన్నికల్లో కాంగ్రెస్ ఇప్పటివరకు 218 అభ్యర్థుల్ని ప్రకటించింది. మే 19 వరకు జరగనున్న పోలింగ్ ఏడు దశల్లో నిర్వహించనున్నారు. మే 23న ఫలితాలు వెలువరించనున్నారు.
