యూపీఏ పదేళ్లపాలనలో నిస్సహాయ ప్రభుత్వం అధికారంలో ఉందని ఆరోపించారు కేంద్రమంత్రి ప్రతాప్ చంద్ర సారంగి. దేశానికి దృఢమైన నాయకత్వం ఎంత అవసరమో ఆ సమయంలో అనుకోకుండా ప్రధాని అయిన వ్యక్తి పాలన ద్వారా ప్రజలకు తెలిసిందని వ్యాఖ్యానించారు.
పార్లమెంటులో రాష్ట్రపతి ప్రసంగానికి ధన్యవాదాలు తెలుపుతూ తీర్మానం ప్రవేశపెట్టేందుకు చర్చ నిర్వహించారు. సారంగి మాట్లాడుతూ కాంగ్రెస్ పదేళ్ల పాలనపై ధ్వజమెత్తారు. ఆ సమయంలో ఓ వ్యక్తి అనుకోకుండా ప్రధాని అయ్యారని మన్మోహన్ సింగ్ను ఉద్దేశించి వ్యాఖ్యానించారు. కాంగ్రెస్ పాలన అవినీతిమయమని ఆరోపించారు.
2022నాటికి దేశంలోని పేదలందరికీ కేంద్రం పక్కా ఇల్లు నిర్మిస్తుందని తెలిపారు సారంగి. సాధారణ వ్యక్తిని కేంద్రమంత్రిని చేసినందుకు ప్రధాని నరేంద్ర మోదీకి కృతజ్ఞతలు తెలిపారు.
ఇదీ చూడండి: 'మన ప్రధానమంత్రి మంచి సేల్స్మన్'
