తెలంగాణలోని ఓ ప్రైవేటు కళాశాల నుంచి 59మంది కబడ్డీ ఆటగాళ్లు గత వారం పోటీల కోసం పుదుచ్చేరి వెళ్లారు. టోర్నమెంట్ ముగిసిన తర్వాత వారంతా చెన్నై చేరుకున్నారు. రెండు బృందాలుగా విడిపోయి రెండ్రోజులు నగరంలోని పర్యటక ప్రదేశాలను తిలకించాలనుకున్నారు. ఆదివారం మెరీనా బీచ్కు వెళ్లేందుకు ఓ బృందం అన్నా సాలయి నుంచి పెరియార్ నగర్కు వెళ్లే బస్సు ఎక్కింది.
ఎగ్మోర్ వద్ద బస్సు ఎక్కుతుండగా కోచ్ లక్ష్మణ్... బస్సు కండక్టర్ కాలు తొక్కాడని ప్రత్యక్ష సాక్షలు చెప్పారు. ఆ ఘటన ఇరు వర్గాల మధ్య ఘర్షణకు దారితీసింది. ఆటగాళ్లు కోచ్‌కు మద్దతుగా నిలిచి బస్సులో బీభత్సం సృష్టించారు. ఆగ్రహించిన ప్రయాణికులు కోచ్‌తో పాటు ఆటగాళ్లపై దాడికి పాల్పడ్డారు.
ఘటనా స్థలానికి చేరుకున్న పోలీసులు.. కండక్టర్, కోచ్‌తో పాటు ఆటగాళ్లందరినీ స్టేషన్కు తరలించారు. ఒక రోజంతా అక్కడే ఉంచారు. సోమవారం ఇరుపక్షాల వారు ఫిర్యాదులు వెనక్కి తీసుకున్నారు.
ఇదీ చూడండి:యూపీ ఉప్పు-రొట్టె వీడియో తీసిన జర్నలిస్ట్పై కేసు
