కరోనా వాక్సిన్ తీసుకున్న వారిలో 7.75 లక్షలమందిపై కేంద్ర ఆరోగ్య మంత్రిత్వ శాఖ సర్వేచేసింది. అందులో 97 శాతం మంది కరోనా వాక్సినేషన్ ప్రక్రియ పట్ల సంతృప్తి వ్యక్తం చేశారని కేంద్ర ఆరోగ్య మంత్రిత్వశాఖ కార్యదర్శి రాజేశ్ భూషణ్ తెలిపారు. ఇంకా వాక్సిన్ ఇతరేతర విషయాలపై సర్వేలో వెల్లడైన విషయాలు చూద్దాం.
- 7.75లక్షల మందిలో 97.35 శాతం మంది కరోనా వాక్సిన్ ప్రక్రియ పట్ల సంతృప్తి వ్యక్తం చేశారు.
- వాక్సిన్ ఇచ్చే ప్రదేశంలో భౌతిక దూరం నిబంధనలు సరిగ్గా అమలయ్యాయని 97.31శాతం మంది పేర్కొన్నారు.
- టీకా పంపిణీ ప్రక్రియ గురించి తమకు సమాచారం ఇచ్చారని 98.37 శాతం మంది తెలిపారు.
- వ్యాక్సిన్ ప్రతికూలతల గురించి తెలియజేశారని 88.76 శాతం మంది అభిప్రాయపడ్డారు.
- టీకా ఇచ్చాక అర గంట పాటు పర్యవేక్షించారని 97.19 శాతం మంది తెలిపారు.
ఇదీ చూడండి: మరో 1.45 కోట్ల టీకాలకు కేంద్రం ఆర్డర్
