కశ్మీర్ పూంచ్ జిల్లా బాలాకోట్ వద్ద దురాగతానికి ఒడిగట్టింది పాక్ సైన్యం. కాల్పుల విరమణ ఒప్పందాన్ని ఉల్లంఘిస్తూ భారత సరిహద్దు లక్ష్యంగా కాల్పులు జరిపింది. ఈ ఘటనలో ఓ మహిళ ప్రాణాలు కోల్పోయింది. మరొకరికి గాయాలయ్యాయి.
బాలాకోట్, మెంధర్ సెక్టార్లపై బుధవారం అర్ధరాత్రి రెండు గంటల సమయంలో భారత్ లక్ష్యంగా మోర్టార్ షెల్లింగ్లు ప్రయోగించింది పాక్ సైన్యం. దీనికి భారత సైనిక వర్గాలు దీటుగా సమాధానమిచ్చాయి. అయితే ఇరువర్గాల మధ్య 45 నిమిషాల పాటు కాల్పులు జరినట్లు తెలుస్తోంది. పాక్కు చెందిన క్షతగాత్రుల వివరాలు తెలియరాలేదు.
