కరోనా వేళ పరీక్షలు నిర్వహించిన సీబీఎస్ఈ బోర్డు.. కేవలం తొమ్మిది రోజుల్లోనే ఫలితాలను ప్రకటించింది. శుక్రవారం విడుదల చేసిన 12వ తరగతి సప్లిమెంటరీ పరీక్షల ఫలితాల్లో 59.43శాతం మంది ఉత్తీర్ణత సాధించినట్లు పేర్కొంది.
- పరీక్షకు నమోదు చేసుకున్న వారి సంఖ్య : 1.16 లక్షలు
- పరీక్షలకు హాజరైన వారి సంఖ్య : 1.05లక్షలు
- మార్కులు మెరుగుపరచుకోవటానికి పరీక్ష రాసినవారు : 87,849
పై చదువుల కోసం విద్యార్థులు సకాలంలో దరఖాస్తు చేసుకునేందుకే ఫలితాలను తక్కువ సమయంలో ప్రకటించామని బోర్డు సీనియర్ అధికారి తెలిపారు. అంతకుముందు ఇదే విషయంపై స్పందించిన సుప్రీంకోర్టు "సీబీఎసీ ఫలితాలను వెంటనే ప్రకటించాలి. విద్యార్థులకు కాలేజీల్లో సీటు లభించేలా యూజీసీ తమ అడ్మిషన్ ప్రక్రియను అమలు చేయాలి."అని ఆదేశించింది.
మార్కులు మెరుగుపరచుకోవటానికి 12వతరగతి విద్యార్థులకు అవకాశం ఇచ్చిన సీబీఎస్ఈ 10వ తరగతి విద్యార్థులకు మాత్రం ఆ అవకాశం ఇవ్వలేదు.
