ఇటీవల ఎక్కడ చూసినా మ్యూజిక్ యాప్ టిక్టాక్ పిచ్చిలో పడి లైక్ల కోసం ఫీట్లు చేస్తూ కొంతమంది ప్రాణాలు మీదికి తెచ్చుకుంటున్నారు. ఈ జాబితాలో యువకులు ముందుంటున్నారు. ఇలాంటి వార్తలు తరచూ వింటూనే ఉన్నా ఈ ఫీట్లు మానట్లేదు కుర్రకారు.
తాజాగా న్యూ ఇయర్ వేడుకల కోసం కర్ణాటక చిత్రదుర్గ నగరంలోని వనివిలాస్ డ్యామ్ను సందర్శించారు కొందరు యవకులు. వారిలో ఓ యవకుడు టిక్టాక్లో లైక్ల కోసం ప్రాణాలతో చెలగాటమాడాడు. అత్యంత లోతుగా ఉన్న నీటిలోకి ఆ డ్యామ్పై నుంచి అమాంతం దూకేశాడు. ఎలాంటి ప్రమాదం జరగకపోవడం వల్ల అక్కడున్నవారంతా ఊపిరి పీల్చుకున్నారు. ఇదంతా మరో స్నేహితుడు చిత్రీకరించాడు.
ఆ డ్యామ్ను సందర్శించేవారిలో కొంతమంది ఇటువంటి ఆకతాయి చేష్టలకు పాల్పడుతున్నారు. వాటికి అడ్డుకట్ట వేయకుండా నిర్వహణాధికారులు అశ్రద్ధ వహిస్తున్నారు.
ఇదీ చూడండి : కశ్మీర్లో లోయలో పడిన బస్సు.. ఏడుగురు మృతి
