భారతీయ జనతా పార్టీపై తీవ్ర విమర్శలు చేశారు బహుజన సమాజ్ పార్టీ అధినేత్రి మాయావతి. భాజపా ప్రతిపాదించిన 'ఒకే దేశం..ఒకే ఎన్నిక' ఆలోచనకు తాను వ్యతిరేకమని చెప్పారు. ఒకేసారి ఈవీఎంలను ట్యాంపరింగ్ చేసి లోక్సభ, శాసనసభ ఎన్నికల్లో గెలువచ్చనే కాషాయ పార్టీ వ్యూహంలోని కుట్రగా పేర్కొన్నారు. లోక్సభ ఎన్నికల్లో భాజపా అత్యధిక సీట్లు సాధించటంపై అనుమానాలు ఉన్నాయన్నారు.
" 'ఒక దేశం.. ఒకే ఎన్నిక' అనేది కొత్త జిమ్మిక్. ఒకేసారి ఈవీఎంలను ట్యాంపరింగ్ చేసి లోక్సభ, అసెంబ్లీ ఎన్నికల్లో గెలవడానికి భాజపా చేసిన కుట్ర. అది దేశాన్ని కులతత్వంలోకి నేడుతుంది. లోక్సభ ఎన్నికల్లో భాజపా విజయంలో ఎలాంటి అవకతవకలు లేకుంటే, దాని వైపు మెజారిటీ ఓట్లు ఉంటే.. బ్యాలెట్ ద్వారా ఎన్నికలు నిర్వహించాలా? వద్దా అని ప్రజల ముందుకు వెళ్లడానికి ఎందుకు దూరంగా ఉంటోంది."
- మాయావతి, బీఎస్పీ అధినేత్రి
సార్వత్రిక ఎన్నికల్లో భాజపా విజయం ఊహించని పరిణామామని పేర్కొన్నారు మాయావతి. అది ప్రజల తీర్పునకు వ్యతిరేకంగా ఉన్నట్లు అనిపిస్తోందన్నారు. ప్రణాళికతో కుట్ర పన్ని అవకతవకలకు పాల్పడనిదే ఇటువంటి ఫలితాలు రావన్నారు.
ఇదీ చూడండి: మాయావతి సోదరుడు, మేనల్లుడికి పార్టీ కీలక పదవులు
