'డబ్బు బలం, బెదిరింపులు.. ఇదే భాజపా పద్ధతి'

డబ్బు బలంతో భాజపా బెదిరింపులకు పాల్పడుతోందని రాహుల్​ గాంధీ ఆరోపించారు. ఇలాంటి చర్యలతోనే ప్రభుత్వాలను పడగొట్టడానికి ప్రయత్నిస్తోందన్నారు.

భాజపాపై కాంగ్రెస్​ నేత రాహుల్​ గాంధీ తీవ్ర విమర్శలు చేశారు. డబ్బు బలం, బెదిరింపు చర్యలతో ప్రభుత్వాలను పడగొట్టడానికి ప్రయత్నిస్తోందని ఆరోపించారు. తాజాగా కర్ణాటకలోనూ ఇదే పరిస్థితి నెలకొందన్నారు.

"ఎక్కడైతే భాజపా డబ్బులిచ్చి, దెబ్బతీసి సర్కారును కూల్చేయగలదో... అక్కడ కచ్చితంగా ఆ పని చేస్తుంది. ముందు గోవాలో చూశాం. ఈశాన్య భారత దేశంలో చూశాం. ఇప్పుడు అదే పని కర్ణాటకలో చేయడానికి చూస్తోంది. ఇది వాళ్ల పద్ధతి. డబ్బులున్నాయి. పవర్​ ఉంది. వాటిని భాజపా ప్రయోగిస్తోంది. ఇదే వాస్తవం."
--- రాహుల్​ గాంధీ, కాంగ్రెస్​ నేత

పరువు నష్టం కేసులో భాగంగా అహ్మదాబాద్​ మెజిస్ట్రేట్ కోర్టుకు వెళ్లారు రాహుల్​. అనంతరం మీడియాతో మాట్లాడిన కాంగ్రెస్​ నేత... కాషాయ దళం రాజ్యాంగ విరుద్ధంగా ప్రవర్తిస్తోందన్నారు.

ఇదీ చూడండి: '4 వేల 800 మెడికల్​ సీట్లు పేదలకే...'