లోక్సభ ఎన్నికల్లో భాగంగా కమలదళం.. పంజాబ్లోని 3 లోక్సభ స్థానాల్లో అభ్యర్థుల్ని ప్రకటించింది. మంగళవారం రోజు భాజపా తీర్థం పుచ్చుకున్న ప్రముఖ బాలీవుడ్ నటుడు సన్నీదేఓల్కు గుర్దాస్పుర్ టికెట్ కేటాయించింది.
దిల్లీలో రక్షణ మంత్రి నిర్మలా సీతారామన్, రైల్వే మంత్రి పీయూష్ గోయల్ సమక్షంలో పార్టీ సభ్యత్వం తీసుకున్నారు సన్నీ దేఓల్. అనంతరం కొంత సమయానికే పార్టీ అభ్యర్థిగా ప్రకటించింది భాజపా.
చండీగఢ్ నుంచి సిట్టింగ్ ఎంపీ కిరణ్ ఖేర్కు మరోమారు అవకాశం కల్పించింది. హోశియార్పుర్ నుంచి సోమ్ ప్రకాశ్కు టికెట్ కేటాయించింది.
తాజాగా ఈ ముగ్గురికి పార్టీ టికెట్ ఇచ్చిన భాజపా.. 2019 సార్వత్రిక ఎన్నికల్లో ఇప్పటివరకు 543 స్థానాలకు గాను 437 స్థానాల్లో అభ్యర్థుల్ని ప్రకటించినట్లయింది.
2009 సార్వత్రికంలో 433, 2004లో 364, 1999లో 339 స్థానాల్లో భాజపా ఎన్నికల బరిలో నిలిచింది.
ఇదీ చూడండి: 'వేలంలో ప్రధాని పదవిని కొనుగోలు చేయలేరు'
