"పాక్​ అర్థవంతమైన చర్యలు తీసుకోవాలి"

పాకిస్థాన్ ఉగ్రవాదులపై అర్థవంతమైన చర్యలు తీసుకోవాలని భారత్- అమెరికా సంయుక్తంగా మరోమారు డిమాండ్ చేశాయి. ఉగ్రవాద వ్యతిరేక పోరాటంలో పరస్పర సహకారంపై  ఏర్పాటు చేసిన సమావేశంలో ఇరుదేశాల ఉన్నతాధికారులు పాల్గొన్నారు.

ఉగ్రవాదంపై ఉమ్మడి పోరుకు భారత్​-అమెరికా మరోసారి పిలుపునిచ్చాయి. పాకిస్థాన్​ తన భూభాగంలోని ఉగ్రవాదులపై అర్థవంతమైన, తిరుగులేని చర్యలు తీసుకోవాలని ముక్తకంఠంతో నినదించాయి. అమెరికాలోని వాషింగ్టన్​లో ఉగ్రవాద వ్యతిరేక పోరాటంలో పరస్పర సహకారంపై ఏర్పాటు చేసిన సమావేశంలో ఇరుదేశాల ఉన్నతాధికారులు పాల్గొన్నారు. భారత్​ బృందానికి విదేశాంగ ఉమ్మడి కార్యదర్శి మహావీర్​ సింఘ్వీ నేతృత్వం వహించారు.

ఈ సందర్భంగా అంతర్జాతీయ ఉగ్రవాద సంస్థల నుంచి పొంచి ఉన్న సవాళ్లపై ఇరుదేశాలు చర్చించాయి. ఉగ్రవాదుల ఆర్థిక మూలాలు, అంతర్జాల వినియోగం, పునరావాసం, ఉగ్రవాద కార్యకలాపాలు వంటి అంశాలపై భారత్‌-అమెరికాలు పరస్పరం సమాచారాన్ని ఇచ్చిపుచ్చుకున్నాయి. ఉగ్రవాద సంస్థలపై విధించే ఆంక్షలపైనా ఇరు దేశాలు చర్చించాయి.

• ఇదీ చూడండి:సీఆర్​పీఎఫ్​ కాన్వాయ్​ సమీపంలో పేలుడు