కరోనా బాధితులకు వైద్యం అందించేందుకు భారత వైద్య విజ్ఞాన సంస్థ-ఎయిమ్స్.. కొత్త చికిత్సా విధానంపై పరిశోధనలు ఆరంభించింది. ఇందుకోసం వైరస్ సోకిన రోగుల శరీరంలోకి రేడియేషన్ కిరణాలను ప్రవేశపెట్టి పరీక్షించగా.. వారిలో న్యూమోనియా లక్షణాలు క్షీణించి, ఆరోగ్యం మెరుగుపడిందని ఎయిమ్స్ వైద్యులు తెలిపారు.
15 నుంచి 20 నిమిషాల పాటు మాత్రమే నిర్వహించే ఈ చికిత్సతో ఎలాంటి దుష్ప్రభావాలు ఉండవని స్పష్టం చేశారు వైద్యులు. 1940వ దశకం వరకు క్యాన్సర్ చికిత్సకు యాంటిబయోటిక్స్ అందుబాటులో లేని సమయంలో ఈ విధానాన్నే అనుసరించారని తెలిపారు. ప్రయోగాత్మకంగా చేపట్టిన ఈ చికిత్సా విధానం మంచి ప్రభావం చూపిందన్న వైద్యులు.. రానున్న రోజుల్లో మరి కొందరు కరోనా బాధితులపై అధ్యయనం చేస్తామన్నారు. సత్ఫలితాలు వస్తే, ఈ విధానంపై మరింత లోతుగా పరిశోధనలు జరుపుతామని వెల్లడించారు ఎయిమ్స్ వైద్యులు.
ఇదీ చదవండి: కరోనాపై రణం: 5 రాష్ట్రాల్లో 960 ఐసోలేషన్ బోగీలు
