'భూమిపూజ కోసం అడ్వాణీ, జోషీకి ఆహ్వానం'

అయోధ్యలో రామ మందిర భూమి పూజోత్సవ కార్యక్రమానికి ఎల్​కే అడ్వాణీ, ఎమ్ఎమ్​ జోషిని ఆహ్వానించలేదనే వార్తలను ఖండించారు ట్రస్ట్​ అధికారులు. ప్రముఖులందరికీ సమాచారమిచ్చామని స్పష్టంచేశారు.

అయోధ్యలో ఈ నెల 5న జరగనున్న రామ మందిర భూమి పూజకు భాజపా అగ్ర​ నాయకులు ఎల్​కే అడ్వాణీ, మురళీ మనోహర్​ జోషిని ఆహ్వానించామని ఆలయ ట్రస్ట్​ అధికారి ప్రకాశ్​ కుమార్​ గుప్తా వెల్లడించారు. వారిని ఆహ్వానించలేదని వచ్చిన వార్తలు కేవలం వదంతులేననని, వాటిలో ఏ మాత్రం వాస్తవం లేదని స్పష్టంచేశారు.

'అడ్వాణీ, జోషీ సహా మరికొందరు ప్రముఖులకు మెయిల్​, ఫోన్​ ద్వారా సమాచారం అందించాం. మహమ్మారి కారణంగా ఎక్కువ మంది పూజలో పాల్గొనకపోవచ్చు. మరికొందరికి ప్రయాణ ఇబ్బందులు ఉండవచ్చు. అంతేకానీ మేము వారిని పిలవలేదనే మాటల్లో వాస్తవం లేదు. అందరి మనోభావాలను గౌరవించడమే ట్రస్ట్​ విధి.'

- ప్రకాశ్​ కుమార్​ గుప్తా, శ్రీ రామ్​ జన్మభూమి తీర్థ్​క్షేత్ర ట్రస్ట్​ అధికారి

పోస్ట్​ ద్వారా పంపే ఆహ్వానం సమయానికి చేరుకుంటుందనే నమ్మకం లేదని చెప్పారు గుప్తా. అందుకోసమే వ్యక్తిగతంగానూ వారికి ఫోన్​ చేసి ఆహ్వానించామన్నారు.

ఇదీ చదవండి: అయోధ్య... రామ జన్మభూమా? కొత్త ఆలయమా?