హీరోపై అభిమానం హద్దుమీరి.. ఓ యువకుడు ఏకంగా ప్రాణమిత్రుడ్నే చంపిన ఘటన తమిళనాడులో కలకలం రేపింది.
22 ఏళ్ల యువరాజ్ తమిళ కథానాయకుడు విజయ్కి వీరాభిమాని. అదే వీధిలో ఉండే దినేశ్బాబు రజనీకాంత్కు పెద్ద ఫ్యాన్. దినేశ్బాబు, యువరాజ్లు గాఢ స్నేహితులు.
వీరిద్దరూ గురువారం సాయంత్రం రోజూలాగే పిచ్చాపాటి కబుర్లు చెప్పుకుంటున్నారు. మాటల మధ్యలో హీరోల ప్రస్తావన వచ్చింది. కరోనా బాధితుల సహాయ నిధికి మా హీరోనే ఎక్కువ విరాళమిచ్చారంటే.. మా హీరో ఇచ్చారంటూ వాదించుకున్నారు. కాసేపటికి.. వాదన కాస్తా దెబ్బలాటగా మారింది. ఆవేశంలో దినేశ్... యువరాజ్ను నెట్టేశాడు, అంతే యువరాజ్ రాయిపై పడి గాయం కావడం వల్ల అక్కడికక్కడే ప్రాణాలు విడిచాడు.
యువరాజ్ మృతదేహాన్ని.. పుదుచ్చేరి కళాపేట్లోని ఆసుపత్రికి పోస్టు మార్టం కోసం తరలించారు. మరకనమ్ పోలీసులు దినేశ్ను అదుపులోకి తీసుకున్నారు.
