'ఆత్మనిర్భర భారత్​... 130 కోట్ల మంది సంకల్పం'

స్వాతంత్ర్య దినోత్సవం సందర్భంగా ఎర్రకోట వేదికగా జాతినుద్దేశించి ప్రసంగించిన ప్రధాని మోదీ.. భారత్​ స్వావలంబనవైపు పరుగులు తీయాల్సిన సమయం ఆసన్నమైందన్నారు. తన వద్ద ఉన్న ప్రకృతి వనరులను ఉపయోగించుకుని దేశీయంగా ఉత్పత్తిని పెంపొందించుకోవాలని.. వాటిని అంతర్జాతీయం పంపిణీ చేసే స్థాయికి ఎదగాలని ఆకాంక్షించారు.

అపార ప్రకృతి వనరుల ఆసరాతో భారత్​ దేశీయంగా ఉత్పత్తి పెంపొందించుకుని, అంతర్జాతీయ మార్కెట్లకు అందించే స్థాయికి ఎదగాలని ప్రధానమంత్రి నరేంద్ర మోదీ ఆకాంక్షించారు. 74వ స్వాతంత్ర్య దినోత్సవం సందర్భంగా దిల్లీ ఎర్రకోట వేదికగా జాతినుద్దేశించిన ప్రసంగించిన మోదీ.. భారతదేశం స్వావలంబనవైపు పరుగు పెట్టాల్సిన సమయం ఆసన్నమైందని గుర్తుచేశారు. 'ఆత్మనిర్భర్​ భారత్​' ఇప్పుడు 130కోట్ల మంది భారతీయులకు ఓ మంత్రంగా మారిందన్నారు. ఇన్ని రోజులు ఓ కలగానే మిగిలిపోయిన ఈ విషయం ఇప్పుడు దేశవ్యాప్తంగా ఓ ప్రతిజ్ఞగా మారుతోందని తెలిపారు.

"తన కలను భారత్​ సాకారం చేసుకుంటుందని నాను నమ్మకం ఉంది. భారతీయుల శక్తిసామర్థ్యాలపై నాకు ఎంతో విశ్వాసం ఉంది. ఏదైనా చేయాలని అనుకుంటే.. అది పూర్తయ్యే వరకు భారతీయులు విశ్రాంతి తీసుకోరు."

--- నరేంద్ర మోదీ, ప్రధానమంత్రి.

గత ఆర్థిక సంవత్సరంలో విదేశీ ప్రత్యక్ష పెట్టుబడులు రికార్డు స్థాయిలో 18శాతం వృద్ధి చెందాయని తెలిపిన మోదీ... కరోనా సంక్షోభంలోనూ ప్రపంచ దేశాల్లోని పెద్ద కంపెనీలు భారత్​వైపు చూస్తున్నాయని పేర్కొన్నారు.