గుజరాత్ అహ్మదాబాద్లో ఓ నిర్మాణదారుడి నుంచి లంచం తీసుకున్నాడో భాజపా కార్యకర్త. ఈ వీడియో సామాజిక మాధ్యమాల్లో వైరల్ అయింది. అనంతరం.. నగర పార్టీ అధ్యక్షుడు జగ్దీశ్ పంచల్.. కార్యకర్త పుల్కిత్ వ్యాస్ను సస్పెండ్ చేశారు.
ఇసాన్పుర్ వార్డు సభ్యుడైన వ్యాస్... ఓ బిల్డర్ నుంచి రూ. 10 వేలు డిమాండ్ చేసి తీసుకున్నట్లుగా వీడియోలో స్పష్టంగా కనిపిస్తోంది.
''మీరేం ఆందోళన చెందవద్దు. అహ్మదాబాద్ పురపాలక సంస్థ(ఏఎంసీ) అధికారుల నుంచి మీ పని జరిగేలా చూసుకుంటాను'' అని వ్యాస్ అన్న మాటలు వీడియోలో రికార్డయ్యాయి.
ఒకవేళ రూ. 5000 ఎక్కువగా లంచం ఇస్తే.. తన పలుకుబడిని ఉపయోగించి అన్ని కూల్చివేతలు మరో 3 నెలల వరకు ఆగేలా ఏఎంసీ నుంచి నోటిఫికేషన్ జారీ చేయించగలనన్న మాటలు వైరల్గా మారాయి.
బిల్డర్, భాజపా కార్యకర్త సంభాషణ:
- పుల్కిత్ వ్యాస్ : ఈ ప్రాంతంలో కొన్ని ఇళ్లు నిర్మించాలంటే నాకు డబ్బులు కావాలి.
- బిల్డర్ : నీకు ఎంత కావాలి?
నిర్మాణదారుడు రూ. 10వేలు ఇచ్చాడు.
- పుల్కిత్ వ్యాస్ : నాకు మరో రూ. 5 వేలు కావాలి.
- బిల్డర్ : వేరే వ్యక్తులు నన్ను అడిగితే ఏం చేయాలి?
- పుల్కిత్ వ్యాస్ : అహ్మదాబాద్ పురపాలక సంఘం గురించి ఆందోళన వద్దు. అధికారులను నేను చూసుకుంటా.
మరికొన్ని నెలల వరకు ఆ ప్రాంతంలో అన్ని కూల్చివేతలు ఆగేలా ఆ అధికారులు చూసుకుంటారు. నాపై నమ్మకముంచు..!
