బిహార్లోని వెనుకబడిన, అత్యంత వెనుకబడిన తరగతుల సంక్షేమ శాఖ మంత్రి వినోద్ కుమార్ సింగ్కు కరోనా సోకింది. ఆయన సతీమణికి కూడా వైరస్ పాజిటివ్గా తేలింది. వెంటనే ఇరువురూ కాటిహార్లోని ఐసోలేషన్ కేంద్రానికి వెళ్లి క్వారంటైన్లో ఉన్నట్లు స్పష్టం చేశారు.
ఆ మంత్రి.. రెండు రోజుల క్రితం రాష్ట్ర సచివాలయంలో ఓ సమావేశం నిర్వహించినట్లు తెలుస్తోంది. అప్రమత్తమైన అధికారులు.. ఇటీవల ఆయనతో సన్నిహితంగా మెలిగిన వారిని గుర్తించే పనిలోపడ్డారు.
నితీశ్ కుమార్ ప్రభుత్వంలో కరోనా సోకిన తొలి మంత్రి వినోద్ కుమారే. రాష్ట్రంలో అంతకుముందు ఓ ఎమ్మెల్యేకు కూడా కొవిడ్ సోకింది. ఆయన ఎయిమ్స్లో చికిత్స తీసుకుంటున్నారు.
