బైక్, ఫోన్ కొనుక్కోవడానికి మూడు నెలల పసికందును అమ్మేసారు ఆ తల్లిదండ్రులు. ఈ ఘటన కర్ణాటకలోని చిక్కబల్లాపుర్లో జరిగింది.
విలాసవంతమైన జీవితం కోసం...
మహాలక్ష్మి- నరసింహమూర్తి దంపతులు.. తినగల్లు గ్రామంలో చిన్న గుడిసెలో నివాసముంటున్నారు. అయితే ఇటీవలే వారు బైక్, ఫోన్ వంటి వస్తువులను కొనుగోలు చేశారు. ఇది గమనించిన గ్రామస్థులకు అనుమానం మొదలైంది.
దంపతులను పట్టుకుని ప్రశ్నించగా.. వారు చేసిన తప్పు అంగీకరించారు. తమ మూడు నెలల బిడ్డను.. సిద్లఘట్ట తాలుకా మలిమచనహల్లిలోని దంపతులకు లక్ష రూపాయలకు అమ్మేసినట్టు వెల్లడించారు.
మహిళ, శిశు సంరక్షణ శాఖ అధికారులకు గ్రామస్థులు సమాచారం అందించడం వల్ల ఈ పూర్తి వ్యవహారం బయటకువచ్చింది.
ఇదీ చూడండి:- తల్లి, అన్నను తుపాకీతో కాల్చి చంపిన మైనర్ బాలిక
