700 కిలోల కేక్​తో మోదీ పుట్టినరోజు వేడుక

దేశవ్యాప్తంగా ప్రధాని నరేంద్ర మోదీ జన్మదిన వేడుకలు ఘనంగా జరుపుతున్నాయి భాజపా వర్గాలు. కొన్ని చోట్ల ప్రజలు మోదీకి వినూత్న రీతిలో పుట్టిన రోజు శుభాకాంక్షలు చెబుతున్నారు. ప్రధాని సొంత రాష్ట్రం గుజరాత్​లో 700 కేజీల కేక్​, బాణసంచా మెరుపులతో మోదీకి శుభాకాంక్షలు తెలిపారు.

ప్రధాని నరేంద్ర మోదీ 69వ జన్మదిన వేడుకలను గుజరాత్​లోని సూరత్​ ప్రజలు అంగరంగ వైభవంగా జరిపారు. అర్ధరాత్రి 12 గంటలకు 70 అడుగుల పొడవైన 700 కేజీల కేక్​ కట్​ చేశారు. సూరత్​లోని ఇన్​ఫర్మేషన్​ బేకరీ ఈ కేక్​ను తయారు చేసింది.

దుమాస్​ ప్రాంతంలోని వై జంక్షన్​ దగ్గర నిన్న సాయంత్రం సంగీత విభావరి నిర్వహించారు. దేశభక్తి గీతాలను ఆలపించారు. సొంతగడ్డపై మోదీ జన్మదినాన్ని ఓ వేడుకలా చేసుకున్నారు. అర్ధరాత్రి 12 గంటలకు పేల్చిన బాణసంచా చూపరులను విశేషంగా ఆకట్టుకుంది.

• ఇదీ చూడండి: ఎంపీకే తప్పని కుల వివక్ష- ఊళ్లోకి రాకుండా అడ్డగింత