తబ్లిగీ జమాతే​ విదేశీయులపై పదేళ్ల పాటు నిషేధం

తబ్లిగీ జమాతే కార్యకలాపాల్లో పాలు పంచుకున్న 2550 మంది విదేశీయులపై భారత్​లోకి ప్రవేశించకుండా నిషేధం విధించింది. ఈ నిషేధం పదేళ్ల పాటు ఉంటుందని అధికారులు తెలిపారు. దేశంలో కరోనా విజృంభణకు కారణమైనందున ఈ నిర్ణయం తీసుకుంది కేంద్రం.

తబ్లిగీ జమాతే కార్యకలాపాల్లో భాగస్వామ్యమైన 2550మంది విదేశీయులను పదేళ్లపాటు భారత్​లోకి రాకుండా కేంద్రం నిషేధం విధించింది. పర్యటక వీసాపై దేశంలోకి వచ్చి.. అనుమతి లేకుండా దిల్లీ నిజాముద్దీన్ లోని మర్కజ్​లో జరిగిన మతపరమైన కార్యక్రమాలకు హాజరయ్యారనే ఆరోపణలు వీరిపై ఉన్నాయి. అందులో పాల్గొన్నవారిలో చాలా మందికి కరోనా పాజిటివ్​గా రావడం కలకలం రేపింది.

ఈ సమావేశాలే దేశంలో వైరస్ వ్యాప్తికి కేంద్రబిందువులుగా నిలిచాయి. ఈ మేరకు తబ్లిగీ జమాతే కార్యక్రమాల్లో పాల్గొన్న.. 2550 మందికిపైగా విదేశీయులను కేంద్రం బ్లాక్ లిస్టులో పెట్టింది. వారిని పదేళ్లపాటు దేశంలోకి రాకుండా నిషేధం విధించింది.

ఇదీ చూడండి:గుజరాత్​లో కాంగ్రెస్​కు షాక్​... ఇద్దరు ఎమ్మెల్యేలు రాజీనామా