భారత్లో ప్రతి 10 మందిలో 8 మంది యువత వీడియో షేరింగ్ మొబైల్ యాప్ 'టిక్టాక్' నిషేధానికే మొగ్గు చూపుతున్నారని ఓ సర్వే వెల్లడించింది.
టిక్టాక్ను నిషేధించాలని కేంద్రాన్ని మద్రాస్ హైకోర్టు ఆదేశించిన నేపథ్యంలో 'ఇన్షార్ట్' సంస్థ ఈ సర్వే చేసింది.
18 నుంటి 35 ఏళ్ల వయసున్న 30వేల మంది యువతీ యువకుల అభిప్రాయాలను తెలుసుకుంది సంస్థ. ప్రధాన నగరాలు, పట్టణాల్లో నిర్వహించిన ఈ సర్వేలో 80 శాతం మంది 'టిక్టాక్' నిషేధానికి అనుకూలంగా స్పందించారు. 20 శాతం మంది నిషేధాన్ని వ్యతిరేకించారు.
జనవరిలోనే 43శాతం మంది..
ఇదిలా ఉండగా... ఈ ఏడాది జనవరిలోనే 43 శాతం మంది కొత్తగా టిక్టాక్ను వాడటం ప్రారంభించారని తెలిపింది ఇన్షార్ట్.
ప్రపంచ వ్యాప్తంగా టిక్టాక్ను వంద కోట్ల మంది వాడుతున్నారు. భారత్లో దాదాపు 5కోట్ల మంది వినియోగదారులు ఉన్నట్లు సర్వే పేర్కొంది.
యాప్ను నిషేధించాలంటూ కోర్టు తీర్పు
టిక్టాక్ యాప్ అశ్లీలతను ప్రోత్సహిస్తోందని... సమాజంపై చెడు ప్రభావాన్ని చూపిస్తోందని మద్రాసు హైకోర్టు ఈ నెల 5న తీర్పునిచ్చింది. దేశంలో ఈ యాప్ను నిషేధించాలని కేంద్రాన్ని ఆదేశించింది.
దీనిపై స్పందించిన టిక్టాక్ యాజమాన్యం... భారత్లోని ఐటీ నిబంధనలు, చట్టాలకు కట్టుబడి ఉన్నట్లు పేర్కొంది.
